Edhe Luka Modric kalon në Serie A?

0 51

Luka Modric ka nisur bisedimet me Interin rreth një largimi tronditës nga Real Madridi, pas shtyrjes së marrëveshjes nga gjiganti në Serie A me Arturo Vidalin.

Reprezentuesi kroat ishte emëruar Lojtari më i Mirë në Kampionatin Botëror 2018 dhe ka qenë një lojtar kryesor te mesfusha e Real Madridit që ka ngritur për të tretën herë radhazi titullin në Ligë të Kampionëve, transmeton portali.

Kjo ka qenë një verë me shumë ndryshe në Santiago Bernabeu pasi trajneri Zinedine Zidane dhe superylli Cristiano Ronaldo janë larguar nga klubi, por tani duket se një tjetër figurë është në prag të largimit.

Agjenti i Modricit ka qenë në kontakt me drejtorët e Interit për të diskutuar transferimin, gjë që do të krijojë një kontigjent të madh kroat të instaluar në San Siro.

Bashkëkombësit e tij si Sime Vrsaljko, Ivan Perisic dhe Marcelo Brozovic tashmë janë lojtarë të Interit dhe tani ata janë duke shpresuar të shtojnë një tjetër kroat në zemër të mesfushës së tyre.

Në rast se nuk arrihet marrëveshja me Modricin, Interi atëherë do të finalizoj transferimin e Vidalit, megjithëse bisedimet me agjentin e kroatit kanë qenë pozitive deri tani./arbresh.info

Jep pergjigje

E-Maili juaj nuk Publikohet

%d bloggers like this: